Россиялик машҳур журналист Янги йилни Дамашқда кутиб олди

Россиялик машҳур журналист Максим Шевченко Янги йилни Сурияда кутиб олди. Янги йил кечаси у ерда ўзи томонидан олинган видеолавҳани Шевченко Facebook ижтимоий тармоғидаги саҳифасига жойлаштирди.

“Мен машҳур Ҳамидия бозорида кетмоқдаман, - дейди журналист видеокамерага қараб. – Орқамда Уммавийлар масжиди, олдимда Дамашқ турибди”.
“Янги йил билан, азиз дўстлар, - сўзида давом этди у. – Мен бу ерга, жанг қилаётган, фуқаролик урушида тилка-пора қилинаётган Сурияга Янги йилни кутишга келдим, чунки бугун бу ер жаҳон тарихининг асосий марказидир”.

Шевченконинг таъкидлашича, шаҳар кўчаларида отишмалар эшитилиб турган, шунга қарамай, одамлар Янги йилни нишонлашда давом этган.