Faraday Future CES-2016да минг от кучига эга электромобилни тақдим этди

АҚШнинг Faraday Future компанияси Лас-Вегасда ўтаётган CES-2016 кўргазмасида минг от кучига эга FFZero1 спорт электрокарини намойиш этди.

Tesla’нинг бўлажак рақобатчиси қарийб 1.5 йил сояда ишлади. Faraday Future FFZero1 прототипи серияли тарзда ишлаб чиқарилиши шубҳа остида, компания суперкарларни чекланган миқдорда ишлаб чиқаришигина мумкин. Унинг кўрсаткичлари: умумий қуввати минг от кучи бўлган бир нечта электромотор, 3 секунддан кам вақтда 100 км/соат тезликка чиқади, максимал тезлик – 321 км/соат. Аммо бу хулосалар ҳозирча фақат назарий асосга эга.

Салон Halo Safety System тизими билан ҳимояланган бўлиб, унда бир кишигина ўтириши мумкин; ҳайдовчининг шлемига сув ва кислород узатилади. Бир нечта датчиклар реал вақт режимида ҳайдовчининг биометрик кўрсаткичларини кузатиб боради.