Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 21:10 / 07.01.2016
    5078
    1 дақиқада ўқилади

    Обама АҚШ қуролли кучлари раҳбарини ўзгартирмоқчи

    АҚШ президенти Барак Обама АҚШ Қуролли кучлари Марказий қўмондонлиги раҳбари, Яқин Шарқдаги ҳаракатларга бевосита масъул генерал Ллойд Остинни истеъфога чиқармоқчи. Бу ҳақда Associated Press агентлиги хабар берган.

    Генерал Остиннинг ўрнига генерал Жозеф Вотел тайинланиши айтилмоқда.

    Вотел – Ироқ ва Афғонистондаги ҳарбий ҳаракатлар иштирокчиси бўлган. Унинг номзоди президент томонидан расмий равишда таклиф этилгандан сўнг, АҚШ Конгресси номзодни тасдиқлайди.

    Генерал Остиннинг ўтган йилнинг ёзида Конгресс эшитувидаги иштироки катта можароларга сабаб бўлган эди. Ўшанда генерал Суриядаги ҳарбий ҳаракатларда АҚШ ҳарбий инструкторлари тайёрлаган мухолифатдаги жангарилардан фақат 4-5 нафаригина террорчилар билан жангда курашаётганини таъкидлаган ва бу маълумот конгрессменлар ва жамоатчиликнинг Оқ уй ҳамда АҚШ маъмуриятига Яқин Шарқдаги фаолиятининг танқид остида қолишига олиб келган эди.