Тошкентлик аёл унга бошпана берган дугонасининг тақинчоқларини ва пулларини ўғирлаб кетди

Тошкентлик аёл унга бошпана берган дугонасининг тақинчоқларини ва пулларини ўғирлаб кетди, деб хабар беради “На посту” нашри.

Айтилишича, Ирода исмли аёл қизининг тўйи арафасида турганида пул етишмовчилиги туфайли эри билан жанжаллашиб қолган ва уйини тарк этган. Дугонаси Наргиза унга бир неча кунга уйидан жой берган.

Ирода куни билан дугонасининг уйида ўтириб, танишларига қўнғироқ қилар ва қарз сўрарди, аммо унинг саъй-ҳаракатлари натижасиз кетган. Бир куни у Наргизанинг уйида захира пуллар ва тақинчоқлар турадиган қутичани кўриб қолган. Ирода вазиятдан фойдаланиб, у ердаги заргарлик буюмларини ва 500 долларни ўғирлаган. Ишдан қайтиб келган Наргизага қарз берувчи топганини айтиб, уйига йўл олган.

Бир муддатдан сўнг пуллари ва тақинчоқлари йўқолганини пайқаган Наргиза дугонасининг қилмишини тушунган ва тегишли идораларга мурожаат қилган.
Ўғри тез орада қўлга олинган.