Туркия Эрон матбуотининг Эрдўғаннинг Саудиядаги қатлларга алоқадор эканлиги ҳақидаги иддаоларини инкор қилди

Туркия ТИВ Эрон элчисини чақириб, ундан матбуотда бошлаб юборилган, президент Ражаб Тойиб Эрдўғаннинг Саудия Арабистонига боришини у ерда амалга оширилган қатллар билан боғлаётган кампанияни тўхтатишни талаб қилди. Бу ҳақда Reuters агентлиги хабар бермоқда.

“Биз Эрон давлат структураларига яқин ОАВда пайдо бўлган, президентимизнинг Саудия Арабистонига амалга оширган ташрифини у ерда ижро этилган қатллар билан боғлаётган хабарларни кескин қоралаймиз”, - деб баёнот берди ТИВ.

Эрдўған Саудияга ўтган йил декабрининг охирида борган эди. 2 январь куни ушбу мамлакат ИИВ 47 кишига нисбатан ўлим жазоси ижро этилганини, улар сирасида таниқли шиа илоҳиётчиси Нимр ан-Нимр бўлганини хабар қилди.

Шу асосда айрим эронлик журналистлар Эрдўғаннинг қатлларга алоқадорлигини гумон қила бошлади. Туркия бу хабарларни ўзига қарши қаратилган пухта режалаштирилган кампаниянинг бир қисми деб баҳоламоқда.