LG’нинг CES-2016даги янгиликлари

Лас-Вегасда давом этаётган CES-2016 кўргазмасида LG компанияси бир қатор янги маҳсулотларини намойиш этди. Қуйида улар ҳақида қисқача маълумот берамиз.

Gram 15 дунёдаги энг юпқа (1.54 см) ва энг енгил (979 гр) 15 дюйм экранли ноутбукдир. Ташқи томонидан у тилларанг MacBook’ка жуда ўхшаш.

Gram 15 FullHD-қолип, Intel Core i5 ёки i7 процессори, USB 3.0, USB Type-C портлари, microSD слоти, Cirrus Logic стереодинамиклари, HDMI-чиқиш ва 7 соат автоном ишлайдиган аккумулятор билан жиҳозланган. Ускуна Windows 10 операцион тизимида ишлайди. Ноутбук қачон ва қанақа нархда сотувга чиқарилиши маълум эмас.

Янги 98 дюймли LG телевизори ечими 4K’никидан икки баробар каттароқ бўлган (7680×4320 пиксель) 8K қолипига эга. Телевизор HDR, ColorPrime Plus, Tru Black Contro и Ultra Luminance технологияларини қўллаб-қувватлайди — уларнинг барчаси тасвир сифатини оширишга хизмат қилади. Корпус металлдан ясалган. Операцион тизим сифатида webOS 3.9дан фойдаланилади.

LG Signature сериясининг янги музлаткичи икки ноёб имкониятга эга. Буларнинг биринчиси Knock-On функциясидир: музлаткич эшигини чолсангиз, экранда унинг ичидаги нарсалар кўрсатилади. Иккинчи хусусият эса — кимдир музлаткичга яқинлашиши билан унинг эшиги автоматик тарзда очилади. Шу билан бирга, бу ақлли ускуна болалар ва уй жониворларига эшикни очиб бермайди.