Шон Пеннинг Эль Чаподан олган интервьюси чоп этилди

Америкалик киноактёр Шон Пенн қамоқдан қочиб кетиб, яқинда яна қўлга олинган мексикалик наркобарон Эль Чаподан олган интервьюси чоп этилди. Суҳбат Rolling Stone журнали учун олинган эди.
Айтилишича, бу асл исми Хоакин Гусман берган биринчи интервью бўлди. Шон Пенн Гусманнинг қўлга олинишидан муқаддам махфий бошпанада у билан суҳбатлашишга муваффақ бўлган.
Актёрнинг саволларига жавоб бераркан, Гусман Мексикада наркотрафик ривожланишида унинг тутган ўрни кўпиртириб юборилганини таъкидлаб ўтган. Шунингдек, у гиёҳванд моддалар савдоси Лотин Америкаси ва бошқа минтақалар маданиятининг бир қисмига айланиб қолганини айтган.
Эль Чапо имкон қадар куч ишлатмаслигига ва зўравонликка йўл қўймаслигига ишонтирди.
“Менга қаранг, мен нима қиляпман? Ўзимни ҳимоя қиляпман. Мен ўзим муаммо бошлайманми? Ҳеч қачон”.