Чилонзор туманида “Камолот” уйлари фойдаланишга топширилди

Пойтахтимизнинг Чилонзор туманида ёш оилаларга мўлжалланган “Камолот” уйлари фойдаланишга топширилди. Бу ҳақда ЎзА хабар бермоқда.

Замонавий шаҳарсозлик ва бинокорлик талабларига мос, табиий иқлим шароитини ҳисобга олган ҳолда қисқа муддатда бунёд этилган ҳар бири 32 хонадондан иборат 2 замонавий кўп қаватли уй қурилишида юртимизда ишлаб чиқарилган қурилиш материалларидан фойдаланилгани ҳамда маиший электр техника воситалари билан жиҳозлангани эътиборга лойиқ.

– Бу қувончли воқеа бутун умр хотирамда қолади, – дейди каратэ бўйича кўп карра Ўзбекистон чемпиони, Осиё ва жаҳон чемпионатлари совриндори Улуғбек Муҳсимов. – Бугун оиламиз билан янги уйга кўчиб ўтдик. Президентимизнинг биз, ёшларга кўрсатаётган бундай юксак эътибори ва ғамхўрлигига халқаро миқёсдаги кўплаб ютуқларимиз билан жавоб берамиз.