ОАВ: Боуининг бойлиги 600 млн долларни ташкил қилади

Британиялик марҳум хонанда Дэвид Боуининг бойлиги 600 млн долларни ташкил қиларди, деб хабар бермоқда Daily Mail нашри. Тахмин қилинишича, артистнинг вафотидан сўнг бу кўрсаткич янада ўсиши мумкин. Шу кунларда Боуининг 27 альбоми ва 100дан ортиқ синглларининг харид кўрсаткичлари янада ўсган.

Унинг охирги альбоми Blackstar Британиянинг Official Charts хит-парадида бошчилик қилмоқда. Бундан ташқари, мусиқачининг ишлари iTunes чартларининг энг юқорисига кўтарилди. Spotify стриминг сервисида унинг тингловчилари янада кўпайди.

Боуи вафотларидан сўнг ижодлари улкан миқдорда даромад келтираётган Майкл Жексон, Элвис Пресли ва Жон Леннон сингари артистлар ортидан боради, деб тахмин қилмоқда газета.