Путин: биз ўз гарданимизга супердавлатлик ролини олганимиз йўқ

Россия президенти Владимир Путин Германиянинг Bild нашрига берган интервьюсида Барак Обаманинг Россияни “минтақавий етакчи” деб атаганига муносабат билдирди.
“Бу сўзларни жиддий қабул қилмайман. Ҳар бир сиёсатчи ва давлат ўз фикрига ҳақли”, - таъкидлади у.

Шунингдек, Путиндан Россияни супердавлат деб аташ қай даражада тўғри бўлиши сўралди.“Биз ўз гарданимизга бундай ролни олмаймиз. Бу жуда қиммат, бунга зарурат йўқ”, - қайд қилиб ўтди Путин.

Шу билан бирга, у Россия жаҳоннинг етакчи иқтисодиётларидан бири бўлиб қолаётганини таъкидлаб ўтди.

“Харитага қаранг: Россия бир томондан Европа билан, бошқа томондан Япония ва АҚШ билан чегарадош, - деди Кремль раҳбари. – Россиянинг жаҳондаги ўрнини камайтириб кўрсатишга уринганлар хато қилади”.