Лос-Анжелесда номаълум шахс кўчада уч кишига ўқ узди

Лос-Анжелесда номаълум жиноятчи кўчада уч кишига ўқ узди, дея хабар бермоқда NBC Los Angeles.

Полиция вакилининг сўзларига кўра, ҳодиса чоршанба, 13 январда, куннинг иккинчи ярмида мегаполис жанубидаги Гайд-парк хиёбони ва Ўнинчи авеню ҳудудида содир бўлган.
Натижада икки аёл ва бир эркак ўқ еган. Жабрланган аёллардан бирининг аҳволи оғир.

Отишма содир бўлган жой ҳозирча аниқланмаган. Жамоат жойларидаги отишмалар АҚШда тез-тез содир бўлиб туради. Энг сўнгги шов-шувли жиноят Калифорниянинг Сан-Бернардино шаҳрида 2015 йилнинг 2 декабрида бўлиб ўтган эди.

Ўшанда келиб чиқиши покистонлик бўлган оилавий жуфтлик Ризвон Фаруқ ва Ташфин Малик ижтимоий таъминот маркази конференц-залига кириб, у ердагиларга қарата ўқ узган эди. Оқибатда 14 киши ҳаётдан кўз юмиб, 21 киши жароҳат олди.