Гуус Хиддинк: "Челси" АПЛда "жон сақлаб қолиш" учун курашади

"Челси" жамоасининг амалдаги бош мураббийи Гуус Хиддинкнинг қайд этишича, унинг жамоаси премьер-лигадан тушиб кетиш хавфи вазиятида турибди.

"Челси"ни Жозе Моуриньо тарк этиб, Гуус Хиддинк жамоа бошқарувига келганидан кейин жамоа мағлубиятга учрамай келаётган бўлсада (2та ғалаба, 3та дуранг), жамоани "хавфли ҳудуд"дан атиги 6 очко ажратиб турибди ва олдинда, январь ойида "Эвертон" ҳамда "Арсенал"га қарши қийин учрашувлар турибди.

"Албатта, биз барчамиз ўзимизни турнир жадвалининг юқори қисмларида кўришни истаймиз. Аммо унутмаслигимиз керакки, айни вақтда 18 ўриндаги жамоадан 6 очко юқоридамиз (21 турдан кейин 24 очко билан 14 ўрин - таҳририят изоҳи). Сафарлардаги ўйинларда очко олишимиз керак. Ўтган турда "Вест Бромвич" билан ўз майдонимизда қайд этилган дуранг (2:2) қимматга тушиши мумкин. Энди биз тан олишимиз керакки, АПЛда жон сақлаб қолиш учун курашамиз. Агар очкони биз олмасак, бошқалар олишади. АПЛда бунинг (лигада жон сақлаш учун кураш - таҳририят изоҳи) ҳайрон бўладиган жойи йўқ", дейди мураббий Goal нашрига.

Гуус Хиддинк: Мавсум якунида кучли тўртликка кириш учун ҳар ўйинда 2,8 тадан очко олишимиз керак