Россия ФАХ раҳбари «Газпром» рекламасидан халқ бойлиги ҳақидаги сўзлар олиб ташланишига эришган

Россия Федерал антимонополия хизмати (ФАС) раҳбари Игорь Артемьёвнинг таъкидлашича, у «Газпром»нинг рекламасидаги «миллий хазина» жумласини олдириб ташашга эришган. Бу ҳақда «Интерфакс» ахборот агентлиги хабар тарқатди.

«Хазина одамлар ёки шунга ўхшаш нарсалар бўлиши мумкин, лекин «Газпром» эмас, — таъкидлади у.

Артемьёвнинг айтишича, мазкур масалани у Россия президенти Владимир Путин иштирокидаги йиғилишлардан бирида кўтарган ва тахминан олти ойча олдин «Газпром» ўз рекламаларидан бу жумлани олиб ташлаганди.