АҚШ 2016 йилда Россияга қарши санкциялар бекор қилинишини истисно этмади

Россияга қарши жорий этилган санкциялар 2016 йилда бекор қилиниши мумкин, дея маълум қилди Қўшма Штатлар давлат департаментининг санкциялар бўйича координатори Дэниел Фрид.

“Санкциялар фақатгина Минск шартномаси амалга ошиб, Донбассда сайловлар ўтказилганида, ҳарбий ҳаракатлар тўхтаб, Украина шарқи тикланганида рўй беради”, - деди Фрид.

Унинг фикрича, ҳозирда Москва Донбассдаги можарони дипломатик йўл билан ҳал этишга тайёр.“Буни фақат олқишлаймиз ва умид қиламизки, ушбу натижага шу йилнинг ўзида эришамиз”, - деди Фрид.

Координатор Россияга қарши санкцияларни ишлаб чиқишда АҚШ G7 ва Европа Иттифоқи мамлакатлари билан ҳамкорлик қилганини таъкидлаб ўтди.