Буркино-Фасодаги теракт қурбонлари сони 30 нафарни ташкил этди

Буркино-Фасо пойтахти Уагадугу шаҳрида "Ал-Қоида"нинг Ғарбий Африкадаги бўлими бўлмиш "Ал-Мурабитун" гуруҳи томонидан содир этилган теракт 30 кишини ҳаётдан олиб кетган. Уларнинг аксари хорижликлар. Бундан ташқари 30 киши жиддий жароҳатлар билан шифохонага ётқизилган.

Эслатиб ўтамиз, 16 январга ўтар кечаси "Ал-Қоида"нинг Ғарбий Африкадаги бўлими ҳисобланмиш "Ал-Мурабитун" гуруҳи Буркино-Фасо шаҳридаги Splendid меҳмонхонасига ҳужум уюштириб, одамларни ўлдирди ва гаровга олди. Ҳужум натижасида 27 киши ҳалок бўлган. Мамлакат махсус кучлари Франция ҳарбийлари ҳамкорлигида ўтказган амалиёт натижасида 150 киши гаровдан озод қилинган ва 7 нафар жангаридан иборат гуруҳ йўқ қилинган.