Қуролланган шахслар Буркино-Фасо пойтахтига ҳужум қилиб, одамларни гаровга олди

Қуролланган номаълум шахслар гуруҳи Ғарбий Африкадаги Буркино-Фасо давлати пойтахти Уагадугуга ҳужум уюштирди.

Рейтер агентлигининг маълум қилишича, бу гуруҳ шаҳарнинг турли нуқталарида ҳуқуқ тартибот органлари ходимлари билан отишмалар келтириб чиқарган ва тинч аҳоли вакилларини қўлга ола бошлаган.

Al Jazeera телеканали маълумотига кўра, шаҳардаги 4 юлдузли Splendid меҳмонхонасида ичида БМТ ходимлари бўлган кишилар гуруҳи асирга олинган. Юқори мартабали амалдорнинг маълум қилишича, бу ҳужум "Ал-Қоида"нинг минтақадаги бўлими жангарилари томонидан амалга оширилган.

Дастлабки маълумотларда бу ҳужумлар натижасида ўндан ортиқ киши ҳалок бўлгани ҳақида айтилган.