Роналду: Месси билан яхши муносабатдаман, у ва Неймарга «Олтин тўп» маросими вақтида таржимонлик қилдим

Мадриднинг «Реал» клуби футболчиси Криштиану Роналду «Барселона» ҳужумчиси Лионель Месси билан алоқалари жуда яхши эканини таъкидлаб ўтди.

«Биз ҳар доим бир-биримизга яқин бўлганмиз. Доим у билан муносабатларимиз илиқ бўлган. ФИФАнинг «Олтин тўп» маросими олдидан мен Месси ва Неймарга таржимонлик қилдим. Мен уларга бу хизматим учун кейинроқ ҳақини тўлаб қўйишларини айтдим», дея кулиб қўйди Роналду.

Мадейрадаги ҳайкали чаплаб кетилганига муносабат билдираркан Роналду ҳаммага бирдек ёқиб бўлмаслигини таъкидлади.

«Бу шунчаки оддий. Кимдир сени яхши кўради. Бошқасининг кўришга кўзи йўқ. Опам ҳайкални тозалаш учун эътибор қаратди. Бор гап шу».