Трамп Apple’ни ишлаб чиқаришни АҚШга кўчиришга ваъда берди

АҚШ президентлигига республикачилардан номзодини кўрсатишга уринаётган миллиардер Дональд Трамп ушбу лавозимга сайланган тақдирда Apple’ни ишлаб чиқаришни АҚШга кўчиришини маълум қилди. Бу ҳақда CNet хабар бермоқда.

“Биз Apple’ни жин ургур компьютерларини бошқа давлатда эмас, мана шу давлатда ишлаб чиқаришга мажбур қилмоқчимиз”, - деди сиёсатчи ўз чиқишларидан бирида.

Корпорация раҳбариятининг ишонтириб айтишича, АҚШнинг 50 штатидан 31таси компания маҳсулотлари учун деталлар етказиб беришда иштирок этади.