Apple қулоқчинлар учун разъёмлардан воз кечади

Япониялик блогер iOS операцион тизимининг янги 9.3 Beta 1.1 версияси кодида қулоқчинлар (наушниклар) учун 3,5 мм ли разъёмларнинг йўқлиги ҳақидаги маълумотни аниқлади. У бунинг суратини ўз твиттерида чоп этди.

Блогернинг таъкидлашича, у операцион тизимнинг янги версияси кодини синчковлик билан ўрганиб, унда 3,5 мм лик разьёмларнинг йўқлигини аниқлади. Янги iPhone 7 смартфонида разъёмнинг йўқлиги ва товуш Lightning разъёми орқали узатилиши ҳақидаги гаплар интернетда анча аввал пайдо бўлганди, чунки Apple янги қурилмаларининг қалинлигини камайтирмоқчи.

Шунингдек, янги операцион тизимнинг кодида Li-Fi ёруғлик нурланиши ёрдамида маълумотлар узатилиши технологияси синовдан ўтказилгани ҳақида маълумот топилди. Бу технология ишлатилганда маълумотларни узатиш манбаси бўлиб стол лампасидаги оддий лампочка бўла олиши мумкин.