Chevrolet барча йўлларда юра оладиган ихчам хэтчбек намойиш қилади

Chevrolet компанияси Деҳлидаги моторшоуда тақдим қилинадиган барча йўлларда юра оладиган ихчам хэтчбек концептини яратди. Beat модели (бошқа бозорларда Spark деб номланади) негизида қурилган янги автомобиль компаниянинг Ҳиндистондаги бўлими томонидан ишлаб чиқилган.

Айни вақтда Chevrolet компанияси Cross номини олган бу прототипнинг бир дона тизерини чоп этди. Машина кузовининг олд қисми дизайни янги авлоддаги Spark’га ўхшайди, бироқ ёруғлик-диодли туманга қарши чироқлар, олд бампернинг пастки қисмидаги ҳимояловчи пластина билан фарқланади.

Кейинги авлод Spark хэтчбеки 2015 йилнинг апрелида намойиш қилинганди. Модель ўзидан аввалги версиясидан узунроқ қилиб ясалган, 98 от кучига эга 1,4 литрли двигатель ва вариатор билан жиҳозланган.

Янги “Спарк” General Motors’нинг Жанубий Кореянинг Чханвонедаги заводида ишлаб чиқарилади. Уни 40 дан ортиқ давлатларда сотиш мўлжалланоқда.