Infiniti Q30 автомобилига 48 мингта мих елимлаб чиқилди

Infiniti компанияси Буюк Британиядаги замонавий санъат ярмаркаси London Art’да арт-карга айлантирилган Q30 хэтчбекини намойиш қилди. Ўзининг металл симдан ясалган одам ҳайкаллари билан танилган рассом Рейчел Дакер бу машина устида иш олиб борди. Рассом аёл автомобилга 48 мингта мих елимлаб чиқди.

Михлар автомобилнинг ярмига елимланган. Дакернинг айтишича, унга ҳар бир михни елимлаш учун 10 сонияга яқин вақт кетган. Шу тариқа, рассом ушбу ишни амалга оширишига 8 минг дақиқа ёки 5 ярим кун вақт сарфлаган.

Рассом шунингдек автомобиль ойнасидан бошини чиқариб турган аёл шаклидаги ҳайкални яратди. Рассомнинг фикрича, ҳайкал машина тез кетаётгандек ҳис уйғотиши керак.

Infiniti Q30 хэтчбеки 2015 йил кузида намойиш қилинган. Янги автомобиль “Мерседес” компанияси билан бирга яратилган ҳамда ушбу компаниянинг шасси ва двигателини олган. Модель қуввати 107 от кучидан 208 от кучигача ета оладиган бензин ва дизелли двигателлар билан таклиф қилинмоқда. Автомобиль Infiniti’нинг Европада йиғиладиган илк модели бўлади.