Анжелина Жоли ва Брэд Питт яшаш учун Лондонга кўчиб келишади

Америкалик актёрлар оиласи Анжелина Жоли ва Брэд Питт ўз фарзандлари билан бирга ярим йилга Лондонга ташриф буюради, деб ёзмоқда Daily Mail.

Манбанинг ёзишича, оила Буюк Британия пойтахтида Питт рол ижро этадиган «Жаҳон уруши Z» картинасида суратга олиниши мобайнида истиқомат қилишади. Олинган маълумотларга кўра, машҳур жуфтлик янги жойга март ойида кўчиб келиши кутилмоқда.

Мазкур жангари жанрдаги фильмда Брэд Питт яна бир бор бош ролни ижро этади. Шунингдек, у фильмда продюсер сифатида ҳам иш олиб боради. Газетанинг ёзишича, актёр суратга олиш ишлари билан банд бўлган пайтда унинг рафиқаси ижтимоий масалалар билан, жумладан Европадаги муҳожирларни ҳимоя қилиш билан шуғулланади.

Питт ва Жоли яшаш учун Лондонни танлашган бироқ айнан қайси турар-жой биносини танлаш бўйича бир қарорга келишмаган. 2012 йилда Питт «Маслаҳатчи», Жоли эса «Малефисенте» картинасида суратга тушган пайтида жуфтлик айнан Лондонда ижарага уй олиб яшашганди.