Техасда 2016 йилдаги биринчи ўлим жазоси ижро этилди

АҚШнинг Техас штати ҳукумати 15 йил аввал қотиллик амалга оширгани учун судланган эркакни қатл этди. 2016 йилдаги илк қатл бўлган бу жазо ўлимга олиб келувчи инъекция киритиш йўли билан амалга оширилди.

2015 йилда шундай йўл билан 13, АҚШ бўйича эса 28 жиноятчи қатл этилган.

Қатл этилган 43 ёшли маҳбус Ричард Мастерсон 2001 йил январида пародиялар билан кун кечирган ва ўз пародияларини одатда аёллар қиёфасида ижро этган 35 ёшли Дарин Шейн Ханикаттнинг қотиллигида айбдор деб топилган.

Суд материалларига кўра, Мастерсон ўзининг қурбони машинасини ўғирлаб кетган ва уни Жоржия штатида ташлаб кетган. У бир ҳафтадан кейин бошқа ўғирланган машинада Флоридада қўлга олинган. Ўғирланган машина эгаси жиноятчи уни талашдан олдин, уни ўзига ром этиб, у билан яқин алоқада бўлиш пайтида уни бўғиб қўйишига бир бахя қолганини айтган. Жиноятчининг биринчи қурбони Ханикатт айнан шундай усул билан ўлдирилган.

Умумий ҳисобда АҚШнинг 31 штатида ўлим жазосига рухсат берилган. Ўлим жазоси яна қўллана бошлаган 1976 йилдан 2015 йил сентябригача АҚШда 1400 жиноятчи қатл этилган.