Латвия президенти юракда ўтказган операциядан кейин ногиронлик олиши мумкин

Латвия президенти Раймонд Вейонис юрагида ўтказган операциядан кейин саломатлик бўйича шифокорлик комиссияси ва меҳнатга лаёқатлилик экспертизасига унинг юрак клапанида ўтказилган операциядан кейинги аҳволига баҳо бериш ва ногиронлик олиш бўйича мурожаат қилиши мумкин, деб хабар бермоқда Delfi нашри.

Бу комиссия бошлиғи ўринбосари Марис Андерсонснинг айтишича, агар беморнинг юрак клапани протез билан алмаштирилса, унда унга ногиронлик берилади. Бироқ шунга қарамасдан, Вейониснинг ўзи комиссияга мурожаат қилиши керак. “Зўравонлик билан ногиронлик берилмайди”, деб айтмоқда Андерсонс.

Латвия президенти энг енгил ҳисобланувчи 3 гуруҳ ногиронлигини олиши мумкин. Андерсонснинг таъкидлашича, бундай операциялардан кейин одамлар нормал ишлай олиши мумкин ва ногиронлик уларнинг меҳнат қобилиятига албатта таъсир қилмайди.

Аввалроқ Вейонис операциядан кейин ҳушига келгани маълум қилинганди.