Нукусда шаҳар хиёбонига наша экиб қўйган эркак қўлга олинди

Нукусда истиқомат қилувчи “уддабуррон” йигит, муқаддам судланган Раметулла Азилханов ҳеч кимнинг хаёлига келмайдиган жойга наша ўсимлигини экиб, парваришлаётгани аниқланди.

“Ҳуқуқ” газетасида ёзилишича, у шаҳарнинг марказидаги хиёбонлардан бирида наша экиб, парваришлаб келган. Бу ўсимликка ҳеч ким эътибор бермаган.

Поя улғайиб бўлгач, Азилханов уни илдизи билан кўчириб, уйига олиб кетган.

Аммо унинг хатти-ҳаракатларини сезиб қолган шахсларнинг аризасига мувофиқ текширув ўтказилди. Рейд чоғида унинг уйидан тилга олинган ўсимлик пояси топилди.

Азилханов 4 йил 8 ойлик қамоқ жазосига ҳукм қилинди.