Россияда гриппдан 50 киши ҳалок бўлди

Россиянинг баъзи ҳудудларида грипп билан касалланиш ва ундан ўлишнинг юқорилиги чўчқа гриппи вирусининг мутация билан боғлиқ бўлмоқда. Бу ҳақда Грипп илмий тадқиқот институтининг биотехнология ва дори воситаларини ташхислаш лабораторияси бошлиғи Анна Соминина ТАСС ахборот агентлигига маълум қилди.

Сомининанинг айтишича, гриппдан Россияда ҳаммаси бўлиб 50 нафар одам, жумладан жорий ҳафтада 24 одам ҳалок бўлган.

Жаҳон соғлиқни сақлаш ташкилотининг расмий вакили Кристиан Линдмайер Россияда чўчқа гриппининг тарқалиши мавсумий омил эканлигини айтди. Ўз навбатида, Россия соғлиқни сақлаш вазири Вероника Скворцова мамлакатда грипп билан боғлиқ вазият назорат остида эканлигини таъқидламоқда.

Шунингдек, 37 та ҳудудда грипп эпидемиологик чегарадан ошгани маълум қилинди.