Видео: Lada Vestaнинг биринчи краш-тести ўтказилди

Lada Vesta автомобили краш-тести пайтида зарбадан кейин олд ойнаси бутун қолган биринчи машина бўлди. Бундан ташқари, синов пайтида ЭРА-ГЛОНАСС тизими ишга тушди.

Пассив хавфсизликни баҳолаш бўйича ARCAP дастури доирасида Дмитров автополигонида “Авторевю” нашри буюртмасига кўра “Комфорт” комплектациядаги Lada Vesta автомобилининг биринчи мустақил краш-тести ўтказилди. Машина ҳайдовчи ўтирадиган томони билан 64 км/соат тезликда деформацияланадиган тўсиққа урилди.

Синовнинг расмий маълумотлари кейинроқ чоп этилади, бироқ нашр мутахассисларининг айтишича, АвтоВАЗ вакиллари кўз билан чамалаб, натижаларнинг кутилгандек бўлганини қайд қилишди. Умуман олганда, Vesta зарбадан кейин олд ойнаси бутун қолган биринчи автомобиль бўлди. Бундан ташқари, синов пайтида ЭРА-ГЛОНАСС тизими ишга тушди: зарбадан 10 сониядан кейин колл-центрдан ёрдам бериш таклифи ва автомобилнинг аниқ жойлашган ўрни ҳақидаги сўров келди.