ФИФА «Челси»га нисбатан ҳам трансферлар бўйича тақиқ қўллаши мумкин

«Челси» клуби ҳам вояга етмаган футболчиларни ёшлар жамоаларида ўйнатгани учун ФИФА томонидан жазога тортилиши мумкин.

Расмий маълумотларга кўра, ҳужумкор ярим ҳимоячи Бертран Траоре лондонликлар сафига 2014 йилги қишки трансфер муддатининг биринчи кунида қўшилганди.

Бироқ футболчи аввалроқ футболчи «Челси» ва «Арсенал» ёшлар жамоалари ўртасида учрашувда майдонга тушгани аниқланган. У Press Association агентлигининг суратларида ва «Арсенал» расмий сайтидаги ҳисоботда акс эттирилган. Ўйин 2011 йилнинг куз ойида ўтказилган ва буркина-фасолик футболчи ўша пайтда 16 ёшда бўлган.

ФИФА вакили мазкур ҳолатга расман изоҳ беришдан бош тортган.

Эслатиб ўтамиз, аввалроқ ФИФА «Реал» ва «Атлетико» жамоаларига нисбатан жами 51 нафар вояга етмаган футболчиларни ўз таркибига қўшиб олгани учун трансфер тақиқини қўллаганди.

Қайд этиш керакки, 2009 йилда ҳам «Челси» «Ланс» жамоасининг вояга етмаган футболчиси Гаэл Какутани трансфер қилгани учун жазоланганди.