АҚШда Трампга помидор отган шахсни ҳибсга олишди

АҚШнинг Айова штатида полициячилар мамлакат президентлиги учун сайловда республикачилар партиясидан номзод бўлган миллиардер Дональд Трампга унинг сайловолди ташвиқоти вақтида помидор отган йигитни қўлга олишди. Ассошиэйтед Пресс агентлигида ёзилишича, у кўп вақт ўтмасдан қўйиб юборилган.

Бу воқеа Трампнинг сешанба куни Айова университетида қилган чиқиши вақтида содир бўлган. Ҳуқуқ тартибот органлари ходимлари Эндрю Жозеф Алемао исмли 29 ёшли йигитни у миллиардерга қарата 2та помидор улоқтирганидан кейин қўлга олишган.

Университет вакили Хейли Брюснинг маълум қилишича, бу йигит жамоат тартибини бузишда айбланди.

Алемао 1 кун вақт қамоқда сақланган, кейинги кунда эса гаровсиз озод қилинган.