6 февраль куни Тайванда юз берган кучли зилзила қурбонлари сони 40 нафарга етди, жароҳат олганлар сони 500 нафардан ортиқни ташкил қилмоқда. Бу ҳақда Хитой марказий телевидениеси (CCTV) хабар берган.
Олдинроқ қурбонлар сони 30 кишидан ошгани маълум қилинганди.
Ҳалок бўлганлардан 29 нафари Тайнань муниципалитетининг Юнкан туманида жойлашган 17 қаватли "Вэйгуань" турар-жой биносида истиқомат қилган. Расмийлар бино қурилиш меъёрларига зид равишда ва сифатсиз материаллардан қурилганини тахмин қилмоқда. Текширув ишлари давом этади.
Ҳозирда 100дан зиёд киши бедарак йўқолганлар сифатида ҳисобланмоқда. Қулаган бино қолдиқлари остидан 7 февраль, якшанба куни бир неча киши чиқариб олинган.
Олти ойлик қизча Тайванда қулаган бино тагида 30 соат қолиб кетгандан кейин қутқариб олинди