Олимлар қандай шароитда Ер юзидан океанлар йўқ бўлиб кетишини аниқладилар

Макс Планк жамияти метереология институти олимларининг аниқлашича, атмосферада карбонат ангидрид даражасин кўпайган тақдирда Ердаги океанлар ғойиб бўлиши мумкин экан. Бу ҳақда Rambler News Service агентлиги Nature Communications журналига таянган ҳолда хабар бермоқда.

Тадқиқот доирасида олимлар Ер сайёрасининг иқлимий моделини яратиб, айтилган газ ажралиб чиқиши кўпайган тақдирда сайёра қизий бошлашини, бу эса секин-аста сувнинг йўқ бўлишига, булутларнинг кўпайиши ва шамол тартибининг ўзгаришига олиб келишини кўрсатиб беришди. Ультрабинафша нурлар таъсирида булутлардаги сув молекулалари водород ва кислородга ажралиб, водороднинг катта қисми фазога чиқиб кетади, дейилади мақолада.