Россия алоқа ва коммуникациялар вазирлиги Россия орқали интернет трафикнинг ўтишини давлат томонидан назорат қилиниши тўғрисидаги қонун лойиҳасини ишлаб чиқди. Бу ҳақда "Ведомости" газетаси хабар бермоқда.
"Вазирлик "интернет тармоғининг глобал адресацияси ва глобал идентификаторлари (DNS ва IP-адреслар) захираларидан фойдаланишни" давлат мониторинги тизимини яратишни таклиф қилмоқда. Бу тизим рунет инфратузилмасининг критик элементлари ишини кузатиши керак", дейилмоқда хабарда.
Бундан ташқари, қонун лойиҳаси хорижий алоқа каналлари ва трафик билан алмашиш нуқталарини кўпроқ назорат қилинувчи қилишни таклиф қилмоқда.
Газета маълумотларига кўра, "халқаро алоқа каналларини маълумотларни трансчерагавий узатишга рухсати бўлган операторлар ташкиллаштира олади".
Шунингдек, операторларга махсус давлат реестрига киритилган трафик билан алмашиш нуқталаридангина фойдаланиш мажбуриятини қўйиш режалаштирилмоқда.
Бир амалдорнинг газетага айтишича, ушбу янги қоидалар давлат ҳокимияти органларига интернетнинг Россияга тегишли сегменти қандай ишлашини тушунишларига ёрдам беради ва "бунинг барчаси давлат рунетни ташқи ҳужумлардан ҳимоялай олиши учун керак".