Хитойнинг Зика вируси билан касалланган биринчи фуқароси шифохонадан чиқариб юборилди, деб хабар бермоқда "Синьхуа" ахборот агентлиги.
Безгак аломатлари Цзянси вилоятида яшовчи 34 ёшли эркакда Венесуэлага бориб келгандан кейин аниқланганди. У 6 февралдан бери шифохонада даволанаётганди.
Шифокорларнинг маълумотларига кўра, бу кунлар ичида эркак даволаш курсидан кейин тўлиқ тикланди. Унда Зика вируси мавжудлигига ўтказилган тегишли синовлар салбий чиққан.