"Барселона" жамоасининг уругвайлик ҳужумчиси Луис Суарес "Сельта"га қарши 6:1 ҳисобидаги ғалаба қайд этилган учрашувда навбатдаги хет-тригини қайд этди.
Унинг 59, 75 ва 81-дақиқаларда урган голлари примеронинг жорий мавсумда урган 21, 22 ва 23-голлари бўлди.
Шунингдек, 29 ёшли бу футболчи жамоанинг охирги 7 учрашувида 13та гол урди.
Айни вақтда примеро тўпурарлари рўйхатида Суарес 23та голи билан 21та голга эга Криштиану Роналдуни ортда қолдирмоқда.