Лондоннинг «Арсенал» клубининг франциялик ҳужумчиси Оливье Жиру «Барселона»га қарши ЕЧЛ нимчорак финалидаги биринчи учрашув олдидан ўзининг оптимистик фикрларини билдириб ўтди.
«Ҳа, бугун «Барселона» дунёнинг энг кучли жамоаси. Биз бу рақибга қарши ўйинни сабрсизлик билан кутмоқдамиз. Бу ўйин бизнинг «Бавария»га қарши гуруҳ босқичидаги ўйинимиздан фарқли бўлади.
Биздан ўйин давомида кучни тўғри тақсимлаш талаб этилади. Биз буни уддалай оламиз.
«Арсенал» ўз мухлисларини хурсанд қилиши керак. Шундай экан нега ўйинда ғалаба қилмаслигимиз керак экан? Бизнинг савиямиз бу жамоани енгиш учун етарли даражада.
«Ҳа, олдиндаги ўйинда «Барселона» – фаворит. Аммо «Арсенал» ҳозирда яхши ва сифатли ўйин кўрсатмоқда. Жароҳатлар борлиги ҳам бунга халал бера олмаяпти», – дейди у.
Эслатиб ўтамиз, «Арсенал» «Барселона» баҳси сешанбадан чоршанбага ўтар кечаси, Тошкент вақти билан соат 00:45да бошланади.