Флорида штатининг собиқ губернатори, АҚШ президентлиги учун сайлов пойгасини тарк этган собиқ номзод Жеб Буш ўзининг собиқ рақиби Тед Крузни сайловда қўллаб-қувватлаши ҳақида маълум қилган. Бу ҳақда Politico нашри хабар тарқатган.
"Тед анъанавий консерватор, у праймеризда сайловчилар ишончини қозониш ва ғолиб чиқа олиш имконига эга номзод", деган Буш.
Бундан олдинроқ, АҚШнинг ғарбий штатларида дастлабки сайловлар бошлангач, Аризонада республикачи Дональд Трамп 45,6 фоизлик натижа билан устунлик қилаётгани ҳақида хабар берилганди.
Юта штатидаги праймеризда эса Тед Круз 58,8 фоиз овоз тўплаб, ўз партиядошлари Дональд Трамп (19,2 фоиз) ва огайолик губернатор Жон Кейсикни (22 фоиз) ортда қолдирган.