Трамп ва Клинтон Аризонадаги праймеризда етакчилик қилмоқда

22 март куни АҚШнинг ғарбий штатларида дастлабки сайловлар (праймериз) учун овоз бериш бошланди. 

АҚШнинг собиқ давлат котиби Ҳиллари Клинтон ва миллиардер Дональд Трамп Аризонада ўтказилган дастлабки сайловларда ўз партиялари ичида ғолиб бўлишди.

CNN телеканали маълумотига кўра, демократ Клинтон 51 фоизлик овозлар ҳисоб-китоб қилинганидан кейин 60,3 фоиз овоз олган ҳолда етакчилик қилган. Унинг асосий рақиби Берни Сандерс эса 37,1 фоиз овоз тўплаган.

CNN projects Hillary Clinton will win the Arizona Democratic primary https://t.co/DkPyle0Wrv pic.twitter.com/2kkVD38v0J

— CNN Politics (@CNNPolitics) 23 марта 2016 г.

Ўз навбатида, АҚШ президентлигига республикачилар партиясидан номзод ҳисобланган Дональд Трамп Аризонадаги праймеризда овозларнинг 46 фоизи ҳисоблаб чиқилганидан кейин 46,5 фоизлик натижа билан устунлик қилган. Унинг рақиблари техаслик сенатор Тед Круз ва огайолик губернатор Жон Кейсик 21 ва 10,2 фоизлик натижаларни қайд этишган.

CNN projects Donald Trump will win the Arizona Republican primary https://t.co/DkPyle0Wrv pic.twitter.com/fpPMOp715g

— CNN Politics (@CNNPolitics) 23 марта 2016 г.

АҚШ ғарбидаги сайловлар бошланганч, дастлаб Аризона штатида, кейинроқ Юта ва Айдаҳо штатларидаги сайлов участкалари очилган.

Сайловчилар ушбу штатларнинг делегатлари АҚШ президентлиги лавозими учун сайловлардаги расмий номзодлар маълум қилинувчи Демократлар ва Республикачилар партияларининг миллий съездларида ким учун овоз беришини ҳал қилиши лозим бўлади.

Merill Poll тадқиқот маркази ўтказган сўровномага кўра, Юта штатида Сандерс етакчилик қилади, сўровномада у 52 фоизлик кўрсаткичга эришган.