ДиКаприо: "АҚШга замонавий фанга ишонмайдиган президент керак эмас"

Америкалик актёр Леонардо ДиКаприо Японияда "Омон қолган" фильмининг премьераси олдидан мухбирлар билан бўлган суҳбатда "АҚШга замонавий фанга ишонмайдиган президент керак эмас", - деб айтиб ўтди. Бу ҳақида Washington Examiner нашри хабар берди.

"Бизнинг мамлакатни замонавий фанга ишонмайдиган давлат раҳбари бошқариши мумкин эмас", – деб айтди ДиКаприо.

Актёрнинг сўзларига кўра, иқлимнинг ўзгариши – одамзод юз келган муаммолардан бири ва АҚШ унинг ечимида ўз улушини қўшиши лозим.