Британиялик актёр, кўпроқ "Мистер Бин" сериалидаги бош қаҳрамон тентаксимон Бин ролини ижро этгани билан машҳур бўлган Роуэн Аткинсон полиция комиссари Жюль Мегрэ ролини ижро этди. Бу ҳақда The Guardian нашри хабар бермоқда.
"Мегрэ тўрлар қўймоқда" деб номланган фильм 28 мартда кечки пайт ITV каналида эфирга узатилди. Бу фильм 6 млн га яқин томошабинни ўзига тортди.
Фильмнинг сиквели (давоми) ҳам олинган. Фильм "Детектив Мегрэ мурдаси" деб номланади ва у ҳам ITV телеканалида намойиш қилинади.
Аткинсоннинг айтишича, ундан Мегрэ ҳақидаги 3-фильмда ишлаши ҳақида ҳали сўрашмаган. Актёрнинг айтишича, ҳаммаси дастлабки икки фильм омма томонидан қандай кутиб олинишига боғлиқ бўлади.
Комиссар Жюль Мегрэ – ёзувчи Жорж Сименоннинг детектив романлари ва қиссаларидаги доно полициячи образи.