Ивуралик яримҳимоячи Яя Туре шу йилнинг ёзида «Манчестер Сити»ни тарак этади. Бу ҳақда футболчининг агенти Дмитрий Селюк хабар қилди.
«Яя Туре „Манчестер Сити“дан кетишни аниқ истамоқда. Энди буни аниқ тасдиқлашим мумкин. Биз турли жамоалардан таклифлар олмоқдамиз ва уларни ўрганиб чиқмоқдамиз. Лекин ҳозирча унинг янги жамоаси қайси жамоа бўлиши ҳақида гап айтолмайман. Бу масалада биринчи омил пул бўлмайди. Биринчи ўринда мижозимга қизиқиш билдирган жамоанинг мақсадларини ўрганиб чиқамиз. Ўз олдига катта мақсадларни қўйган жамоани танлаймиз.
«Интер»? Бу клуб катта жамоа. Қолаверса, Яя ва Манчини ўртасидаги муносабатларни барча билади. Лекин айтганимдек, қарор ҳали қабул қилинмаган. Ҳозирда нерадзуррилар жамоасини ажойиб лойиҳа дейиш мумкин. «Интер» — фантастик даражадаги клуб.
Шунинг учун улар юқори савияли футболчини қўлга киритишга ҳаракат қилаётганлари учун ҳайрон қолмаса ҳам бўлади», — дея Селюкнинг сўзларини келтиради FC Inter News.