«Атлетико» жамоаси бош мураббийи Диего Симеоне ЕЧЛнинг чорак финалида «Барселона»га қарши кечадиган баҳс олдидан ўтказилган матбуот анжуманида иштирок этди.
«Икки жамоа ҳам бир-бирини жуда яхши билади. Шунинг учун бу ўйинда сюрпризлар бўлиши эҳтимоли кам. Мен ўйламайманки, ўтган шанба кунги класикодаги мағлубият «Барселона»нинг биз билан ўйинга таъсир кўрсатади деб.
Биз ҳамиша «Барселона»га қарши ўйинларга алоҳида ёндашганмиз. Улар албатта ўз майдонларидаги баҳсда жанг қилиш учун майдонга тушади. Бу жуда кучли ва енгиш қийин бўлган рақиб», — дейди Симеоне.
Эслатиб ўтамиз, «Барселона» – «Атлетико» ўртасидаги дастлабки учрашув бугун, Тошкент вақти билан 23:45да бошланади.