Буюк Британияда дунёда илк бор тановул қилиш мумкин бўлган никоҳ кўйлаги яратилди. Бу ҳақда Metro нашри хабар берди.
Уни тайёрлаш учун 300 соат вақт керак бўлди. Кўйлакнинг бўйи 2 метрни, оғирлиги эса 75 килограммни ташкил этди.
Кўйлакни яратишда машҳур ҳайкалтарош-қандолатчи Сильвия Эльба, Fun N Funky Cakes компанияси асосчиси Иветт Марнер ва рассом Илинка Рнич қатнашишди.
Улар минг дона ейиш мумкин бўлган вафли варақларидан, 35 килограмм мева шираси ва 3 килограмм торт учун тўрлардан фойдаланишди.
Кўйлакни Лондон шаҳрида 16 ва 17 апрель куни бўлиб ўтадиган халқаро қандолатчилар кўргазмасида кўриш мумкин.