«Бавария» жамоаси сардори Филипп Лам «Бенфика»га қарши баҳс олдидан ўз фикрларини билдириб ўтди.
«Биз биринчи ўйиндаги ғалаба юзага келтирган устунликни сақлаб қолиш учун ўйнамоқчи эмасмиз. Бундай қўрқоқлик бизга тўғри келмайди.
Биз Лиссабонга яна бир ғалаба мақсадида келдик. Бизнинг вазифамиз – жавоб баҳсида ҳам ҳужумкор ўйин намойиш этиб, рақиб дарвозасига гол уриш. Биринчи ўйинда биз кўп голли вазиятларни йўққа чиқаргандик. Вазиятлардан унумли фойдаланиш керак.
Бундан ташқари, рақиб ҳужум қилишига ҳам йўл қўймаслигимиз керак. Албатта, уларга бу ўйинда асосий ҳужумчиси Жонас етишмаслиги мумкин, аммо Чемпионлар лигасининг яримфиналига чиқмоқчи бўлган жамоанинг захираси ҳам кучли бўлиши керак», – дейди Лам.