Россия президенти Владимир Путиндан унинг анъанавий "бевосита мулоқот"и чоғида АҚШдаги президентлик сайловлари хусусида фикрини билишга қизиқишиб, Ҳиллари Клинтон ва Дональд Трампдан қайси бири ёмонроқлиги ҳақида савол билан мурожаат қилишди.
«Биз ёмон эмас, яхшиларини қидиришимиз керак. Тарихимизда, ўзаро қалин ҳамкорлигимиз натижасида яхши натижаларга эришган пайтларимиз кўп бўлган. Бугунги кунда ҳам шундай мисоллар бор», — деган Россия раҳбари.
АҚШ билан ҳамкорликда терроризмга қарши кураш шундай мисоллардан биридир.
Шу билан бирга, Путиннинг қайд этишича, АҚШ раҳбарияти, куч ва империалистик истаклари нуқтаи-назаридан сиёсат олиб бормасдан, ҳамкорлари, жумладан Россияга нисбатан ҳурмат билан муносабатда бўлиши керак.