ШҲТ вакиллари халқаро терроризмга қарши БМТ конвенцияси қабул қилинишини тезлаштириш таклифи билан чиқишди

Тошкентда ўтаётган ШҲТга аъзо давлатлар Хавфсизлик кенгашлари котибларининг ўн биринчи учрашуви вақтида иштирокчилар халқаро террорчиликка қарши БМТ конвенциясини тезда қабул қилиш таклифини илгари сурди. Бу ҳақда ТАСС хабар тарқатмоқда.

«Йиғилиш қатнашчилари халқаро террорчиликка қарши курашиш БМТ конвенциясини тезда ишлаб чиқиш ва қабул қилиш таклифини билдириб ўтишди», — дейди Ўзбекистон президенти ҳузуридаги Хавфсизлик Кенгаши котиби Виктор Маҳмудов.