Эрон Туркиянинг энергия ташувчиларга эҳтиёжини тўлиқ қондиришга тайёр, деб айтди Эрон президенти Ҳасан Руҳоний. Бу ҳақда РИА “Новости” ахборот агентлиги хабар бермоқда.
Руҳоний бу ҳақда Туркияга ташрифи вақтида Туркия президенти Ражаб Тойиб Эрдўған билан берган қўшма матбуот-анжуманида маълум қилди.
"Биз Туркия билан энергетика соҳасида Эрон Туркиянинг энергетик хавфсизлиги кафолати бўла олиши ҳамда унинг газ ва нефтга эҳтиёжини тўлиқ қондириши бўйича келишиб олдик", деб айтди Руҳоний.
Руҳонийнинг айтишича, мамлакатлар тадбиркорлар учун иш тартибини соддалаштиришлари, банк ва биржа соҳаларида ҳамкорликни ривожлантиришлари керак.
Таъкидланишича, президентлар, шунингдек, сайёҳлик ва транспорт соҳаларида ҳамкорлик қилишга келишиб олдилар.