15 апрелда Туркиянинг жануби-шарқидаги Мардин вилоятида портлаш содир этилди, деб хабар бермоқда Reuters ахборот агентлиги.
Таъкидланишича, портлаш оқибатида турк армиясининг 4 нафар аскари ҳалок бўлди, яна 2 нафар ҳарбий яраланган.
Туркия ҳукумат хавфсизлик кучларидаги манбанинг маълумотларига кўра, бомба ҳарбий транспорт воситасининг ёнида портлатилган.
Асосан курдлар яшайдиган бу ҳудудга ўтган йили ўт очишни тўхтатиш тартиби бекор қилингандан кейин, турк ҳарбийлари ва Курдистон ишчи партияси аъзолари ўртасидаги тўқнашувлар давомида жиддий зарар етган.
12 апрелда ҳам шу вилоятда портлаш содир этилганди.
Туркия ташқи ишлар вазири Эфкан Ала Туркиянинг жануби-шарқидаги бир қатор ҳудудларда узукун комендант соати киритилганини маълум қилди. Айни вақтда Курдистон ишчи партияси аъзоларига қарши аксилтеррорчилик операцияси Хаккари вилоятининг Юксак, Ширнак вилоятининг Ширнак ва Силопи ҳамда Мардин вилоятининг Нусайбин шаҳарларида олиб борилмоқда.