British Airways авиакомпаниясининг Женевадан рейс амалга ошираётган Airbus A320 самолёти 17 апрелда Лондоннинг Хитроу аэропортида учувчисиз парвоз қурилмаси билан тўқнашиб кетди.
Дрон йўловчи самолёти аэропортга қўнаётганда унга келиб урилган. Зарба самолёт ердан 150 метр баландликда бўлганда унинг олд қисмига тўғри келган. BA727 рейси Женевадан Лондонга келаётган бўлган. Самолёт бортида 137 киши бўлган.
"Самолёт учувчиси полициячиларга эҳтимол дрон самолётнинг олд қисмига келиб урилганини айтган", деб маълум қилди Лондон полицияси вакили ITV телеканалига.
Самолёт бешикаст аэропортнинг 5-терминалига етиб келган. Мутахассислар самолётни кўздан кечириб чиқишганда унда ҳеч қандай шикастлар аниқлашмаган. Диспетчерлар самолётга кейинги рейсни амалга оширишга рухсат беришган.
"Бизнинг самолёт мутахассислар томонидан кўриб чиқилди ва кейинги рейсга рухсат берилди. Хавфсизлик ва қўриқлаш бизнинг устувор вазифаларимиз ҳисобланади", деб айтди самолёт учувчиси.
Айни вақтда дроннинг эгаси қидирилмоқда.
Худди шунга ўхшаш воқеа 2015 йил охирида Анталья халқаро аэропорти хавфсизлик хизмати ходимларини ташвишга қўйганди. Номаълум учар қурилма аэропортга "тажовуз қилганди".