Лондоннинг "Вест Ҳэм" футбол клуби мухлислари "Манчестер Юнайтед" футболчилари кетаётган автобусга ҳужум қилишди. Автобусга шиша идишлар ва тошлар улоқтирилган.
Нохуш воқеа сабабли Англия чемпионатининг 37-тури доирасида жамоалар ўртасида бўлиб ўтиши керак бўлган учрашув "МЮ" футболчилари чигилёзди машқларини бажара олишлари учун бирозга сурилди. Учрашув соат 21:45да бошланиш ўрнига 22:30 да бошланди.
"МЮ" футболчилари рақиб жамоа майдонида ўтган, чемпионатнинг кўчирилган 35-тури учрашувида 3:2 ҳисобида ютқазишди.
Чемпионатнинг тугашига бир тур қолганда "МЮ" 63 очко билан 5-ўринда қолди, "Вест Ҳэм" эса 62 очко тўплаб, 6-ўринни эгаллаб турибди.