Норвегияда Манчестер шаҳрига йўл олган рейснинг 2 йўловчиси қўлга олинди

Норвегиянинг Ригге шаҳридан Англиянинг Манчестер шаҳрига Ryanair авиакомпанияси самолёти орқали учмоқчи бўлган йўловчилар шу рейс йўловчиларининг 2 нафари шубҳали шахслар сифатида қўлга олиниши фонида аэропортдан эвакуация қилинди. Бу ҳақда Norway Today хабар тарқатган.

Ҳибс қилинганлардан бири Буюк Британия фуқароси бўлган, иккинчиси — Шри-Ланка фуқароси.

Аэропортга текширув ишлари учун сапёрлар гуруҳи жўнатилган, терговчилар қўлга олинган йўловчилар билан шуғулланишган.

Эслатиб ўтамиз, 15 май куни Манчестер шаҳридаги стадионда шубҳали буюм аниқлангач, «Манчестер Юнайтед» — Борнмут» учрашуви қолдирилди.

Кейинроқ, шубҳали буюм сапёрлар томонидан портлатилди. Бу бомба макети бўлгани аниқланди.